Заев: Пописот го одложивме оти така бараа Мицкоски и опозицијата, ќе се преброиме во април во 2021 година
Пописот го одложивме бидејќи Мицкоски и опозицијата бараа да биде одложен неколку месеци пред пандемијата и го направивме тоа, вели ремиерот Зоран Заев во постот на неговиот Фејсбук-профил во кој додава дека април во 2021 година е новиот термин за пребројување на населението.
Според него, пописот и резултатите никако не влијаат на Уставот, на Рамковниот договор, или слично. Одговорност да се излезе на попис има секој граѓанин, смета премиерот.
– Пописот треба да се спроведе поради рамномерниот развој, поради економските параметри, поради статистиките што ни требаат во државата. Има правила Евростат и треба да ги почитуваме до крај. Април 2021 е месецот за спроведување на пописот, истакнува Заев.