Заев: Подготвени да ја исполниме нашата ЕУ агенда, нема да дозволиме причини за нови одлагања (ВИДЕО)

Претседателот на Владата на Република Северна Македонија, Зоран Заев одржа прес-конференција за медиумите откако денеска имаше онлајн состаноци со челниците на ЕУ.

Првата меѓувладина онлајн конференција на Северна Македонија со ЕУ ќе биде позитивен сигнал и до целиот регион, истакна премиерот Зоран Заев.

Изразивме надеж дека оваа подготвеност на Северна Македонија, рече Заев, ќе се формализира и со освојување на рамката на почетокот на идниот месец, по што ќе следува и првата меѓувладина конференција до крајот на годината.

– Одржувањето на првата меѓувладина конференција на Северна Македонија и ЕУ ќе испрати позитивен сигнал и до регионот и ќе ја потврди европската перспектива на Западен Балкан како гео-стратешки интерес на Европската унија, потенцираше премиерот Заев.

Прочитајте и...  Македонија испратила документи до Софија, се чека одговор

ЕУ е силно определна ништо да не го попречи процесот на проширувањето, потенцираше  премиерот Заев.

-Заклучивме дека е вложено многу од двете страни, остварено е многу и сме подготвени да ја исполниме нашата ЕУ агенда. Нема да дозволиме причини за нови одлагања, затоа што членството во ЕУ е наша свечена обврска во име на иднината на државата и граѓаните. Нашата земја останува посветена на негување на добрососедските односи, со континуирана имплементација на Договорот од Преспа и на Договорот на пријателство и добрососедство со Бугарија, кои донесоа нова енергија и придонесоа за обновување на интензитетот за проширувањето на Европската унија со земјите од регионот- рече Заев.

Признанието во Извештајот на ЕК, рече тој, го оценивме како особено значајно за постигнатиот напредок во реформите, особено во клучните области – судството и борбата против корупцијата.

Прочитајте и...  Џафери: Идејата е пратениците со ковид-19 или оние кои се во изолација да се вклучат онлајн

– Извештајот за Северна Македонија е објективна и сеопфатна проценка на вкупното ниво на усогласенолст на националното законодавство во правото на ЕУ. Укажувањето на областите за кое е потребно дополнително усогласување за владата се силен мотив. Препораките да се преточат во нашата агенда за континуитет на реформиет, изјави Заев.

Соговорниците, рече Заев, очекуваат во претстојниот период да се завршат сите подготовки и усогласувања за да се одржи Првата меѓувладина конференција што ќе го означи почетокот на затворањето на поглавјата за нашето членство во ЕУ, како прв чекор за градење на нашата заедничка иднина.

Поврзани вести

Шахпаска: Не 16  туку 365 дена да работиме на прашањето на насилството, родово-базираното и семејното насилство

Слободен печат

Намален бројот на инфицирани лица, но не и на починати: Германија со дневен рекорд од 410 смртни случаи

Слободен печат

ЕССЕ: Нема да запре родовото насилство без целосна примена на новиот закон

Слободен печат

Радио Нов Зеланд: Сто мртви делфини насукани на бреговите на архипелагот Чатам

Слободен печат

Царовска: За родово базираното насилство треба гласно да зборуваме

Слободен печат

Милошоски дојде, но рочиштето за „Моќник“ се одложи

Слободен печат

Остави Коментар