Заев: Оваа Влада ќе го негува и унапредува македонскиот јазик
Со години сум покровител на оваа конференција за македонскиот јазик и голема чест ми е што повторно сум овде и во овие пандемиски услови, изјави Заев на Меѓународната научна коференција „Македонскиот јазик – Извор на научни истражувања“.
– Годинава одбележуваме 75 години од создавањето на македонскиот јазик и правопис. Македонскиот јазик е признат во целиот свет и слободно се користи насекаде. Сакам да испратам јасна порака дека оваа Влада ќе го негува и унапредува македонскиот јазик – изјави Заев во своето обраќање на конференцијата за македонскиот јазик.
– Нашиот јазик е наш идентитет. Продолжуваме со законски решенија за заштита на нашиот јазик и издавање голем број на книжевни дела за унапредување на јазикот. Тие дела помагаат да се продолжува животот на јазикот. Сѐ дури постои македонскиот јазик ќе постојат и Македонците. Тие две нешта неможат едно без друго. Да го чуваме и негуваме македонскиот јазик бидејќи тој е нашата татковина – изјави Заев.