Заев: Од држава во која се молчеше и шепотеше, денес сме држава во која гласно се зборува

Зоран Заев / Фото: СДСМ

Претседателот на СДСМ вечерва во Битола се сретна со претставници на граѓанскиот сектор, со граѓански активисти и општественици од овој град, каде со присутните разговараше за повеќе актуелни теми од интерес за битолчани.

„Пред четири години државата беше заробена, изолирана, а критичката мисла беше загрозена и често пати погазувана од страна на власта. Ние за четири години направивме целосна трансформација. Државата ја вративме на вистинскиот колосек, ги отворивме институциите за граѓаните, политиките ги градевме заедно со граѓанскиот со невладиниот сектор. Од држава во која се молчеше и шепотеше, денес сме држава во која гласно се зборува, држава со најтранспарентна влада во регионот и најбезбедна држава на Западен Балкан. И тоа се само дел од успесите што ги постигнавме заедно со вас, граѓаните”, порача Заев.

Претседателот Заев од граѓаните побара поддршка на 31 октомври за Општина Битола, но и државата да продолжат по вистинскиот, исправниот пат.

И граѓанскиот сектор и стопанството досега имаа можност да се увери дека знаеме да слушаме, дека знаеме да постапуваме по она што ни го укажувате и во име на досега сработеното за Битола, имаме право денес од вас да ја бараме вашата поддршка. Граѓанскиот глас е совест на општеството, да се обединиме во името на иднината на Битола и државата. Да се обединиме и да гласаме да продолжи унапредувањето на слободата и демократијата, да продолжи да го негуваме концептот „Едно општество за сите”, да гласаме да продолжиме по заедничкиот пат, по правиот пат на напредокот, наместо да се враќаме назад во изолацијата и поделбите”, посочи претседателот Заев.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот