Заев: Наградата е значајна затоа што ги потврдува прогресивните и европски политики кои градат траен мир
Лидерот на СДСМ и експремиер Зоран Заев на Фејсбук изрази благодарност за доделувањето на мировната награда на Вестфалија.
„Ми претставува особена чест и изразувам голема благодарност до Економската заедница на Вестфлија и Липе за доделувањето на престижната меѓународна мировна награда на Вестфалија. Наградата не е значајна само за мене како поранешен премиер на Република Северна Македонија.
Таа е значајна затоа што ги потврдува заложбите на прогресивните и европски политики кои градат траен мир. Значајна е за сите луѓе во Северна Македонија и во Грција кои градат пријателски и добрососедски односи базирани на меѓусебна почит и разбирање.
Нека оваа награда биде стимул за сите оние кои носат сериозни одлуки и за идните генерации дека не постои конфликт кој не може да се реши низ дијалог и пријателство“, напиша Заев.
Ми претставува особена чест и изразувам голема благодарност до Економската заедница на Вестфлија и Липе за доделувањето…
Publiée par Zoran Zaev sur Jeudi 20 février 2020