Заев: Може Ел Чека е следниот премиер
Премиерот Зоран Заев на денешната прес-коференција рече дека власта сака со новиот закон Специјалното јавно обивнителство да се врати во јавно-обвинителскиот систем, да остане финансиската независност и да има иднина.
-Користењето за незаконските преслушувани разговори заврши, СЈО ќе ја гони корупцијата во власта, односно кај претставниците на власта, со законот ќе се постави системот во борбата против корупцијата – рече Заев.
На прашање дали чувствува одговорност за објавување на разговор за убиството на Мартин Нешковски, кој се покажа дека не биле целосен, Заев рече дека е горд за тоа што го направил.
-Самото објавување на разговорите го бетонира тоа што е вината на власта дека сакале да сокријат убиство и да влијаат на процесот. Јавното обивнителство постапува по сите материјали, а не само по тоа што Заев го објавил. Разговорите се индиции, а врз основ на материјалните докази се носат одлуки и пресуди. Кога ги слушав разговорите ми доаѓаше прв да ја урнам оградата на владата, но не можев да го сторам тоа имав одговорност како лидер на опозицијата. Се однесувале како богови и си играле со човечки животи. Јас се гореам што има чест да обелоденам зло врз основ на кое се крена народот – рече Заев и по новинарски коментар дека сега истото мисли дека го прави Ел Чека, дополни дека може токму Ел Чека е следниот премиер на државата.