Претседателот на СДСМ, Зоран Заев во вечерашното интервју на телевизија Телма рече дека ДУИ со барањето Албанец премиер испратила уценувачка порака.

-Во време кога јас бев мандатар Талат Џафери стана претседател на Собранието. Меѓутоа тој имаше искуство. И се покажа како прилично добар претседател на Собранието. Значи не ги изневеривме очекувањата на граѓаните. Но, не треба вака со уцени како за Албанец премиер. Тие јасно испорачаа уценувачка порака. И да ја повлечат таа уцена, ние ако имаме други опции, ќе ги искористиме. Мојата желба е ДУИ да оди во опозиција. За државата, рече Заев.

Ќе ги поразиме сите национализми на овие избори, тоа е лажен патриотизам, истакна Заев.

-Нема иднина, тоа време заврши. Мора да фатиме чекор со модерниот свет и наративот којшто се користи, мора да го смениме, да биде посоодветен. Секој може да се бори за секој граѓанин, но за еднаковост и во правата и во обврските. Мицкоски во програмата ветува редефинирање на Устав, ќе ја прави повторно чиста Македонија, каде води тоа? Што ќе правиме, ќе се биеме повторно- запраша Заев.