Заев им се заблагодари на македонските спасувачи кои помагаа во Албанија
Премиерот Зоран Заев на социјалната мрежа Фејсбук им се обрати на спасувачите од Македонија кои заминаа да им помогнат на жителите на Албанија, кои беа погодени од катастрофалниот земјотрес.
– Од име на сите граѓани на нашата држава, сакам да упатам неизмерна благодарност кон републичките сили за заштита и спасување, кои координирани од Дирекцијата за заштита и спасување беа присутни во најпогодените подрачја во Албанија од катастрофалниот земјотрес.
Нашата држава е држава на солидарност. Скопјани уште живо се сеќаваат на катастрофалниот земјотрес од 1963. Тогаш со помошта на нациите од целиот свет го изградивме повторно главниот град.
Припадниците на републичките сили за заштита ја заслужуваат ја заслужуваат нашата највисока почит и поддршка за нивната стручност и храброст, стои во објавата на Заев, на Фејсбук.