Заев идната недела ќе се сретне со Меркел
Реконструкција на владата ќе има само ако добиеме позитивни сигнали за добивање на датум за преговори со ЕУ во јуни или јули, во спротивни се отворени сите опции од враќање на мандатот, одговорност, избори, рече денеска премиерот Зоран Заев.
Тој најави дека деновиве интензивно се лобира за добивање на датум, во рамките на што другата недела е планирана средба со германската канцеларка Ангела Меркел.
-Секој ден се менуваат работите оставете државата да ги изгради своите последни стратегии за добивање на датум на преговори. Ова е крупно прашање сите опции се отворени. Ако имаме извесност, а добиеме датум, продолжуваме со реконструкцијата, ако не сите опции се отворени враќање на мандатот, нова влада, избори, одговорност, рече Заев.