Заев и Сугарески извршија увид во градежните дејствија на патот Битола-Демир Хисар

Премиерот Зоран Заев и министерот за транспорт и врски, Горан Сугарески, заедно со градоначалниците од регионот, денеска извршија увид на градежните работи кои се вршат при рехабилитацијата на регионалниот пат Битола-Демир Хисар.

– Еден ден пред големиот национален празник Илинден, имаме задоволство да го посетиме овој регион каде имаме повеќе активности. Рано наутро имавме настан каде доделивме персонализирани платежни картички за набавка исклучиво на ‘Еуродизел’ гориво за земјоделска механизација, со кои државата субвенционира 30 проценти од трошокот за гориво, за поттикнување и окрупнување на земјоделските производители. Заедно со министерот за транспорт и врски, Сугарески, сме тука за да видиме како напредуваат градежните работи за рехабилитација на регионалниот пат Битола – Демир Хисар – рече премиерот Заев при увидот на патниот правец во должина од 10 км и ширина од 6.4 м, кој се возобновува со средства обезбедени од Светска банка во износ од 1.5 милиони евра.

Прочитајте и...  Таткото на српскиот министер за внатрешни работи почина од коронавирусот

Истовремено премиерот Заев спомена дека Владата продолжува со капиталните инвестиции и поддршки, како што беше и денешниот настан во Општината Битола, каде заедно со министерот за земјоделство, шумарство и водостопанство, Трајан Димковски, присуствуваа на доделување на 11 решенија за реализација на капитални проекти, во висина од 101.797.260 денари, преку Програмата за рурален развој.

– По денешниот увид во градежните работи на регионалниот пат Битола – Демир Хисар, слободно можам да кажам дека сме доста задоволни со тоа како тече рехабилитацијата. Досега се асфалтирани 7 километри, се работи на последните 3 километри и очекуваме во првата половина на месец август рехабилитацијата да биде завршена – истакна министерот Сугарески подвлекувајќи дека Владата интензивно работи на остварување на еден од врвните приоритети, а тоа е изградба на квалитетна, модерна и функционална патна инфраструктура низ целата држава.

Прочитајте и...  Санчез: Верувам дека по изборите С. Македонија ќе има проевропска влада предводена од Заев (ВИДЕО)

Премиерот Заев и министерот Сугарески најавија дека за следниот период е предвидена рехабилитација на дополнителни 12 километри на овој правец, а исто така предвидена е и рехабилитација на регионалниот пат Прилеп-Тополчани-Битола и државниот пат Битола – Меџитлија, каде се работи на дополнителни 40 километри патна мрежа во Битола и околината во текот на оваа и следната година.

Владините претставници го истакнаа значењето на развојот на овој регион, потенцирајќи дека изградбата на добра патна мрежа во Пелагонија не само што ќе ја олесни и унапреди работата на веќе постоечките компании, туку и ќе создаде услови за привлекување на нови инвестиции и економски раст.

Прочитај повеќе

Јанушев: На граѓаните им е веќе доста од лаги, манипулации и криминал

Слободен печат

Објавен составот на новата француска Влада

МИА Агенција

Мицкоски: Граѓаните на Иловица и Штука ќе одлучуваат за рудниците

Слободен печат

Земјотрес со јачина од 4,6 степени го погоди Кабул

Слободен печат

Димитров: Ако младите решат да нè биде, ќе нè биде

Слободен печат

Дневен преглед на состојбата со Ковид-19 во светот

Слободен печат

Остави Коментар

Прочитај повеќе

Грција: Позитивни на коронавирусот 36 туристи, повеќето Срби

МИА Агенција

Дебар, Центар Жупа и подрачјето на Река утре четири часа без струја

Слободен печат

ОН: Пандемијата ја уназадува борбата против ХИВ за најмалку 10 години

Слободен печат

Зибери го започна караванот „Оствари го сонот“ од Желино

Слободен печат

Карантин невиден досега: Руските власти ископале канал околу едно село за да го затворат

Слободен печат

Филипче: По подолго време имаме двојно повеќе оздравени пациенти од новодијагностицирани

Слободен печат