Заев и Мицотакис ќе го скршат мразот идната недела во Њујорк?

Повеќе грчки портали објавија дека наредната недела во Њуjорк ќе се одржи првата средба меѓу премиерите на Грција и Македонија, Киријакос Мицотакис и Зоран Заев.

Според овие информации, разговорот би се случил на маргините на Генералното собрание на Обединетите нации. Од македонската влада ниту ги потврдуваат, ниту ги негираат информациите на грчките медиуми.  Велат дека во моментот не би моижеле да ја кажат официјланата агенда на премиерот Заев, бидејќи подготовките за нејзино финализирање се во тек.

Грчките портали пак пишуваат дека разговорот Заев – Мицотакис ќе биде особено интересен заради силното спротиставување, кое како лидер на опозицијата, Мицотакис го изразуваше во однос на договорот од Преспа.

Наведуваат дека Мицотакис ќе ја отворел и темата за заштита на брендот Македонија.

Покрај средбата со Заев, Мицотакис во Њујорк веќе има договорено средба со турскиот претседател, Реџеп Таип Ердоган, а се договараат и деталите за средба со албанскиот премиер, Еди Рама.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот