Заев и Касами ја официјализираа првата македонско-албанска предизборна коалиција (ВИДЕО)
Во присуство на највисоките партиски раководства на СДСМ и на БЕСА ја официјализираа предизборната коалиција.
Претседателот на социјалдемократскиот сојуз Зоран Заев рече дека денес е посебен чин бидејќи претставува нов историски момент за демократијата и плурализмот.
– СДСМ денес ја објавува предизборната коалиција со Движењето БЕСА. На овој начин мултиетничкиот концепт го пресликуваме во конкретна програмска и кадровска промена. Нашата визија е визија на земја, економски и стабилна правна држава во ЕУ и НАТО. Градиме општество врз еднаквост и правичност држава во која има шанса за сите, и за млади и за пензионерите за Македонци, Албанци, Срби, Роми, Власи и за жени и за мажи и за сите други, рече Заев.
Тој дополни дека тоа ќе биде постигнато ако сите се обединат кон вистинските цели кои водат напред.
– Затоа ја користам оваа прилика јавно му оддавам признание на Билал Касами и на целата БЕСА која покажаа дека имаат визија и политичка храброст и вистински принципи за обединување, БЕСА е првата партија која го надмина амортизираниот концепт етничките гласови да се користат само како бројка за постизборни калкулации за владини коалиции, рече Заев.
Предизборната коалиција со БЕСА е историска коалиција за Северна Македонија. Ова е победничка коалиција предводена од СДСМ, разнолика, најголема и најмоќна коалиција, рече претседателот на СДСМ Заев при официјализирањето на коалицијата со БЕСА.
– Ние сме сигурни победници на 12 април и тоа секому му јасно. Уште од денес се знае дека токму оваа коалиција на 12 април ќе освои сериозно и сигурно мнозинство за реформирање на државата, тоа им е јасно и на нас и на нашите политички опоненти. Владеењето на правото човековите слободи и права, економскиот прогрес, толеранцијата се столбовите на која почива современата македонска држава но и доследно спроведување на Охридскиот договор, Преспанскиот договор и Договорот за добрососедство со Бугарија. За сите што цврсто стојат и чекорат со овие принципи има простор за договор. Но тоа не може да биде ВМРО-ДПМНЕ, додека на чело ги имаат Христијан Мицкоски и Груевски. Ова вакво заробено ДПМНЕ треба да остане политички изолирано. Кое ги опструира сите внатрешни и надворешни процеси, само така ќе смогнат сили внатрешно да се реформираат, и да станат вистинска опозиција бидејќи вакво, се опасност и за државата и за граѓаните. За другите албански партии и коалиции ќе ги убедам дека нема да бидеме уценувани и нема да прифатиме непринципиелни договарања. Оние кои ќе пристапат треба да ги прифатат на нашите принципи, вели Заев.
Заев рече дека со макотрпна работа ќе продолжи со преговорите со ЕУ.
– Испорачавме во економијата, во надворешната политика ја вративме слободата и демократијата и сега е време законските реформи да се почувствуваат и во правосудството да се направи прочистување во судството. Ќе поставиме рекорд во македонската економија и грижа за сите наши граѓани. Преговори со ЕУ, со нас ќе траат 6 години со ВМРО-ДПМНЕ ќе траат 60 години и никогаш нема да завршат. Со оваа наша победничка коалиција ќе работиме макотрпно и посветено се со цел за подобар живот за нашиот народ и граѓани за нашие деца, со здружени сили, рече Заев.
? Во живо: Заеднички настан на СДСМ со Движењето БЕСА.
? Во живо: Заеднички настан на СДСМ со Движењето БЕСА.
Publiée par СДСМ – Социјалдемократски сојуз на Македонија sur Jeudi 27 février 2020