Заев и Царовска се сретнаа со претставници на Сојузот на здруженија на пензионери

Премиерот Зоран Заев и министерката за труд и социјална политика, Мила Царовска денеска се сретнаа со делегација на Сојузот на здруженијата на пензионери на Македонија, предводена од претседателката на сојузот Станка Трајкова, како и пратеникот во Собранието Илија Николовски, како претставник на Партијата на обединети пензионери и граѓани на Македонија (ПОПГМ).

На средбата, соопшти владиниот Сектор за односи со јавноста, се разговарало за целокупниот економски раст на државата, зголемување на платите во државата и претстојните планови и мерки за раст на пензиите, како и за други прашања од аспект на стандардот на живеење на овие наши граѓани.

Заев и Царовска ги информирале претставниците на Сојузот на здруженијата на пензионерите дека се остваруваат условите за пораст на пензиите врз основа на стабилизираниот пензиски систем, најавеното ново зголемување на минималната плата, континуираниот раст на просечната плата, како и врз основа на вкупниот економски раст во земјата.

Сите овие фактори, стои во соопштението, се позитивни предуслови за раст на пензиите.

На средбата во канцеларијата на претседателот на Владата на Северна Македонија, се посочува во соопштението, станало збор и за други прашања од интерес на пензионерите и згрижување за што во наредниот период се предвидени решенија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот