ВИДЕО | Заев: Го осудувам нападот врз Бислимоски, тоа е директен атак врз едно независно регулаторно тело

Зоран Заев
Зоран Заев / Фото: Влада на Република Северна Македонија

Премиерот Зоран Заев денеска го осуди нападот врз претседателот на Регулаторната комисија за енергетика, Марко Бислимоски, оценувајќи дека тоа е директен атак врз едно независно регулаторно тело, кое е многу важно за државата, како и сите други државни органи.

– Го осудувам и се надевам дека брзо ќе биде процесуирано со соодветна пријава, рече Заев додавајќи оти верува дека МВР со аргументацијата на доказите ќе преземе соодветни пријави.

Како што информира вчера МВР, во вторникот во 23.54 часот „М.Б. (45) во СВР Скопје пријавил дека на тераса од угостителски објект на подрачјето на Центар бил физички нападнат од А.Џ. (28)“.

Од МВР за МИА информираа дека по целосно документирање на случајот против напаѓачот ќе биде поднесен соодветен поднесок.

Извор: МИА

Бектеши: Нападот врз Бислимоски не може да го загрози енергетскиот сектор

Видео на денот