Заев: Европа треба да ја награди нашата земја (ВИДЕО) – Слободен печат
Македонија

Заев: Европа треба да ја награди нашата земја (ВИДЕО)

Северна Македонија за кратко време стана позитивен пример, истакна премиерот Заев на средбата со поранешниот претседател на Република Австрија, Хајнц Фишер.

Претседателот на Владата на Република Северна Македонија, Зоран Заев денеска во Виена, во пресрет на Виенскиот економски форум, се сретна со поранешниот претседател на Република Австрија, Хајнц Фишер.

На средбата, којашто помина во исклучително позитивна атмосфера, премиерот Заев го информираше поранешниот претседателна Република Австрија, Фишер за последните политички случувања во земјата, односно успешно спроведените претседателски избори, како и текот на реформите во неколку клучни области.

Истовремено, на средбата беше потврдена поддршката којашто Република Австрија во континуитет и ја дава на Република Северна Македонија на нејзиниот пат кон интеграцијата во Европската Унија. И таа поддршка, како што беше посочено на средбата, нема да изостане сe додека Северна Македонија не стане полноправна членка на ЕУ.

– Северна Македонија за кратко време стана модел, пример како се решаваат дури и најтешките билатерални прашања и затоа Европа треба да возврати и да ја награди нашата земја – истакна премиерот Заев на средбата со поранешниот претседател на Република Австрија, Хајнц Фишер.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close