Лидерска средба во петок може да има и без лидерот на ВМРО-ДПМНЕ Христијан Мицкоски ако тој реши да не дојде. Денеска премиерот Зоран Заев рече дека лидерската средба останува, иако Мицкоски се заканува дека нема да дојде ако не се исполнат одредени услови што тој ги поставува.

– Бара да зборуваме за предвремени избори, а да не зборуваме за Изборен законик. Толку години не сме имале попис, а не сакаат да зборуваат за закон за попис. Не може да оставиме да не се донесе закон за јавно обвинителство. Зошто да го одложуваме, дека тој вика ќе го направам пепел СЈО, зошто СЈО  води истраги за корупција на високи функционери на ВМРО-ДПМНЕ? Лидерската средба останува, немам намера да исполнува желба за предвремени избори, иако знам и сум убеден сум дека ќе победам, но изборите и штетат на економијата – рече Заев.