Премиерот Зоран Заев, граѓани и државни административци денеска се вклучени во големата акција за чистење на јавните површини во земјава.

Заев својот допринос во чистење на отпадот го даде во скопската населба Бутел.

– Откако сум премиер повеќе од 50 компании побарале право да да влезат во управување со отпадот. Велат дека е доходовен бизнис, се вади профит од него од секундарни сировини што се вадат и на крај од производство на гас од кој се произведува електрична енергија. Отпад ќе има се додека има и луѓе – рече Заев.

Денешната акција е во соработка на Владата на Македонија и раѓанското здружение „Не биди ѓубре“. Дел од државната администрација која ги чистеше зелените површини околу Младинскиот културен центар од една од грмушките пронајде фрлени тоалетна школка и фрижидер кој на ова место биле оставени од несовесни граѓани.