28.8 C
Скопје

Заев би ги менувал спомен плочите – би го бришел „бугарски“ од „бугарски фашистички окупатор“

Премиерот Зоран Заев денеска нагласи уште еден потег што е подготвен да го направи под ризик да биде критикуван и од домашната јавност.

-Реално, подготвен сум иако имам критики во домашната јавност, на спомен-плочите каде што пишува бугарски фашистички окупатор да остане само текст фашистички окупатор. Во духот на пријателството треба да внимаваме и како што Полска и Германија го решија проблемот или како што тоа го направија Германија и Франција, да гледаме низ призмата на пријателството, истакна Заев.

-Предложивме нивната авионска ескадрила да го чува македонското небо и тоа е доказ за голема доверба кон нашите соседи. Прва беше Грција, сега Бугарија, а се понудија и пријателска Турција и Италија кои сакаа да ја вршат оваа достоинствена и важна задача согласно НАТО-стандардите, а ние објаснивме дека имаме и втор сосед којшто исполнува услови како што е Бугарија. Согласен сум ако треба уште еднаш да ги дефинираме работите коишто се напишани во Договорот, а тоа е немешање во внатрешните работи вклучително и малцинските права затоа што тие се решаваат на меѓународно ниво пред Судот за човекови права, рече Заев.

На прес конференција во Битола премиерот нагласи дека во земјава ќе се продолжи со вградување на европските вредности.

-Треба да продолжиме со Бугарија, да правиме напори, и како што ме охрабрија неколку земји од ЕУ, зборувам како Зоран Заев, предводник на нашето македонско општество со сето тоа што го направив во изминатиот период, одржувајќи европски лекции овде, во душата и срцето на Балканскиот Полуостров, среќен сум што се уште останало европско во Европската унија преку овие чекори што се преземаа овие неколку денови. За нас Европската Унија е светост, нашата европеизација ја сакаме со постигнување европски вредности дома и ние тоа ќе го правиме со блокади или без блокади. Ние друга алтернатива немаме, сакаме да вградиме европски вредности дома и да си ја европеизираме државата. Ако Европа освен со фондовите како што досега ни помага, ни помогне и со експерти за поглавјата, знам дека преговарачкиот процес ќе го забрзаме. Тоа е нашата иднина и верувам дека за тоа ќе помогнат сите соседи, ќе помогне соседна Бугарија, истакна Заев.

За нас Европската Унија е светост, нашата европеизација ја сакаме со постигнување европски вредности дома и ние тоа ќе го правиме со блокади или без блокади. Ние сме пријатели со Бугарија, треба да го решаваме проблемот, а јас не знам во што е проблемот, истакна премиерот Зоран Заев осврнувајќи се на актуелниот проблем со Република Бугарија.

Поврзани вести

Немил настан на семеен одмор во Ниш, поскок каснал 14-годишно момче од Македонија

Слободен печат

Дел од село Драчево утре без струја

Слободен печат

САД: Нови санкции против Русија поради Навални

Слободен печат

Телото на „белгискиот Рамбо“ најден во парк

Авион на „Рајанер” полета од Тулуз без сите патници

Слободен печат

Нова валута излегува на пазарот

Слободен печат

Остави Коментар