Заев: Ако не се договорат политичките лидери за датумот, срамота е да одиме кај Пендаровски
Петти јули е законски определен датум за избори во моменталната состојба, изјави лидерот на СДСМ Зоран Заев вечерва во Клик Плус на ТВ 21.
-Ако не се договорат политичките лидери за датумот, тогаш останува Уставот и законот. Два пати се собравме кај претседателот Пендаровски. Срамота е да се собереме и по третпат ако нема можност за договор. Мицкоски побара средба, па побара уште една недела, па на крајот вика на 13 септември да бидат изборите. Несериозното однесување не донесе до ваква состојба. Мицкоски бега од избори, но Уставот и законот е јасен. Денеска кога нема договор, останува Уставот и законот. Секој кој вели дека е можно одложување, тој лаже. Тука бегање нема. Од несериозни луѓе имате несериозни ставови. Кога требаше да се носат одлуки за најстратешките цели, тие бегаа и бојкотираа. Денес пак тоа се случува – рече Заев.
Заев: Бројките не се кријат, транспарентен е процесот од самиот почеток со епидемијата