Заев: 300 пилоти не се потребни ни во мое Муртино
Жители на Арачиново се пожалија оти им било ветено дека ќе бидат вработени 300 пилоти од селото, но тоа ветување не било остварено од страна на сегашната власт.
На денешната прес-конференција премиерот Заев објасни за што точно станува збор и дека сето тоа е едно големо недоразбирање.
– Дефинитивно не сме ветиле 300 пилоти, туку сме ветиле работи за кои што постојат пилот-проекти, кои денеска и во иднина ќе ја доживеат својата имплементација. Такво нешто немаме ветено, затоа што ниту државата нема потреба од 300 пилоти, ниту има таков ресурс, а не пак Општина Арачиново. Така што, со должна почит кон Општината која има капацитети за други работи, 300 пилоти не се потребни, ниту во мое Муртино, ниту во Арачиново, ниту во Скопје, ниту никаде во државата – изјави Заев.