21.8 C
Скопје

Заев: 27 земји потврдија дека Македонија е успешна и не се согласија со ставот на Франција

Премиерот Зоран Заев, вечерва во интервју за телевизијата Алсат-М одговараше на прашања поврзани со најновите настани во врска со недонесувањето на одлуката за добивање датум за почеток на преговорите на нашата земја со ЕУ.

– Јас реков дека ова ќе го носам како нова лузна на моето лице, како што ги носам лузните од непријатните настани, коишто се случија во Собранието. Секако, очекувавме Европската Унија да го исполни своето ветување, коешто за жал не го исполни. Рекоа дека направиле историска грешка. И јас така ја нареков таа постапка – историска грешка. Ветувањето беше многу прецизно многу постојано, многу континуирано како признание за тоа што нашата земја помина низ еден сериозен процес на реформи, заради двата договори со Бугарија и Грција – истакна Заев.

Премиерот Заев искажа задоволство што сите 27 земји потврдиле дека Македонија е успешна и оцени дека за несогласувањето на Франција да се отворат преговорите со ЕУ со нашата земја, причината не сме ние.

За информациите дека постои иницијатива од Италија, да се врати прашањето за Северна Македонија на дневен ред веќе во ноември, на Советот за општи работи, премиерот Заев одговори:

– Сега јас малку ќе „закочам“ со мојата надеж и оптимизам. Нели бев најголем оптимист. Ние да си работиме, а тие дај боже побрзо да одлучат, да ги отворат поглавјата за нас, односно да ја донесат одлуката за почеток на преговорите“, заклучи Заев.

Премиерот Заев додаде дека веќе добил покана од италијанскиот премиер Џузепе Конте да се сретнат во вторник, на 29 октомври и ќе разговараат за оваа иницијатива која како што рече е подржана и од други премиери.

Поврзани вести

Нападнат вработен на паркингот на Клиника

Слободен печат

Курти ги откри предлозите што му ги претставил на Вучиќ: Три биле одбиени, за еден не добил одговор

Слободен печат

Бектеши–Лиубченко: Поголема либерализација во трговијата значаен поттик за економската соработка

Слободен печат

Шаќири: Поттикнуваме инвестиции во ИТ секторот

Слободен печат

Кривична пријава за две лица, пронајдени 1243 стебла марихуана

Слободен печат

Кривична пријава за скопјанец за криумчарење мигранти

Слободен печат

Остави Коментар