Заев ѝ подари охридски бисери на Меркел на прошталната средба

Средба на Заев и Меркел во Тирана / фото: Влада на РСМ

На маргините од посетата на германската канцеларка Ангела Меркел на Тирана, која е дел од нејзината проштална турнеја низ земјите од Западен Балкан, премиерот Зоран Заев ѝ подарил охридски бисери, во знак на благодарност и сеќавање на добрите македонско-германски односи.

За време на средбата со канцеларката, Заев се заблагодари за нејзиниот личен ангажман и „севкупната посветена работа и непроценлив придонес за зајакнување на односите на СР Германија со Северна Македонија“ како и за нејзината поддршка и поддршката на нејзината земја на нашиот пат до членството во НАТО и во процесот за членство во ЕУ.

На одвоена средба меѓу Еди Рама и Меркел, албанскиот премиер ја одликува германската канцеларка со Орденот со голема ѕвезда.

Видео на денот