Заедничко соопштение на Стејт департмент, на Ерменија и на Азербејџан: Примирје во Нагорно-Карабах
Во заедничкото соопштение на Стејт департментот и владите на Ерменија и на Азербејџан се наведува дека од денеска стапува во сила хуманитарно примирје во судирот околу Нагорно-Карабах.
Соопштението доаѓа по состанокот во петокот помеѓу американскиот државен секретар Мајк Помпео и министрите за надворешни работи на Ерменија и на Азербејџан.
Во меѓувреме, Минск групата ОБСЕ наведе дека шефоовите на дипломатијата на Ерменија и на Азербејџан ќе имаат повторна средба на 29 октомри.
– Во текот на интензивните разговори, копретседателите и министрите за надворешни работи разгледуваа спроведување на итен хуманитарен прекин на огнот, посебен начин на контрола на прекин на огнот и клучните елементи на сеопфатно решение, се наведува во соопштението од Минск групата.
Претходните две примирја, постигнати со посредство на Русија не успеаа, а двете страни меѓусебно се обвинуваа за нивно прекршување.