За советничко место во Елбасан во трка и Македонецот Индрит Абдиај

индрит абдиај
Фото Фејсбук

Индрит Абдиај, Македонец по потекло од селото Требиште, Голо Брдо е во трка за советничко место во Советот на Општина Елбасан.

Абдиај, кој беше член на Советот на оваа општна и во измнатите четири години, е кандидат на Партијата на зелените, која е дел од изборната коалиција „Алијанса за европска Албанија” предводена од Социјалистичката партија на премиерот Еди Рама.

На синоќешната средба со граѓани тој ја повтори определбата за зголемување на зелените површини и оние за рекреација и минимизирање на нивото на загаденоста во општината.

Во трка за советничко место од Партијата на зелените е уште еден Македонец. Тоа е Илче Колефски, кој е на кандидатската листа за Советот на Општина Тирана.

Тој преку Фејсбук побара подршка од граѓаните на Тирана, за сите заедно да „дадат придонес денес, за поинаква Тирана утре”.

На утрешните локални избори во Албанија, со кандидати-Македонци за советници учествува и партијата Македонска алијанса за европска интеграција (МАЕИ) за Општина Пустец каде по четврти пат довербата за градоначалник ќе ја побара Едмонд Темелко од истата партија.

Советот на Општина Пустец брои 13 членови. На минатите збори седум советници освои МАЕИ, додека остантите беа од Социјалистичката и од Демократската партија, која сегашните избори ги бојкотира.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот