Стратегот на „граѓаните“, Пеп Гвардиола го коментираше поразот од 2:3 на гостувањето кај Норич. Екипата од „Етихад“ изненадувачки загуби кај дебитантот во најквалитетната англиска лига и сега е пет бода зад лидерот Ливерпул.

– Му честитам на Норич. Првиот гол падна од статичка позиција, а потоа нè удрија од контранапад, па има за што да размислиме. Ќе ја научиме лекцијата и ќе продолжиме понатаму. Создадовме многу позиции, но не успеавме да постигнеме повеќе голови од нашиот противник. Норич е многу силен тим кој има играчи на високо ниво. Можеби ни недостигаше острина. Луѓето не треба да очекуваат дека постојано ќе победиме и на крајот на сезоната ќе имаме 100 или повеќе бодови. Ќе се опоравиме од овој пораз и ќе ги следиме нашите цели – рече менаџерот на Сити, Гвардиола.

Сити по овој пораз е на второто место има еден пораз и едно реми после првите пет кола. Во наредната премиерлигашка рунда ќе ги одмери силите против Ватфорд на домашен терен на 21 септември, а три дена претходно ќе го започне и настапот во Лигата на шампионите во Украина против Шахтјор Доњецк.