За Шпанците, „Игра на тронови“ поинтересна од Лигата на шампионите
Шпанската компанија „Толуна“, направи анкета во која доби изненадувачки резултати, мнозинството од шпански државјани предност ѝ даваат на последната епизода од серијата „Игра на тронови“ отколку на годинешното финале во Лигата на шампионите. Последната епизода од серијата „Игра на тронови“ ќе се емитува в недела, на 19 мај, додека финалната пресметка помеѓу Ливерпул и Тотенхем е закажана за 1 јуни и тоа на стадионот „Ванда метрополитано“ во Мадрид.
Компанијата која е специјализирана за онлајн-истражувања, „Толуна“, на 10 мај направи анкета на која мнозинството од 2.000 испитаници, кажаа дека доколку можат да бираат, предност би ѝ дале на „Игра на тронови“.
Ваков одговор дале дури 62% од испитаниците, освен што ја прогласиле серијата за најдобра досега, би се откажале од следење на натпреварот помеѓу Ливерпул и Тотенхем доколку би се прикажувале во исто време.