Играчот кој ги брани боите на Жалгирис, Џок Лендејл ќе донира по 100 долари за секое забивање или тројка на натпреварот в четврток против Реал Мадрид во Евролигата.

Тоа ќе биде како донација како помош за неговата родна Австралија која е погодена од катастрофалните пожари.

Лендејл е инаку роден во Мелбурн, сезонава има просек од 10,8 поени и 4,1 скок по натпревар за литванскиот кошаркарски клуб.

– Сакам да ја искористам прилика и да помогнам на заедниците во Австралија. Се надевам дека ќе предизвикам реакција и кај останатите колеги да помогнат – рече Лендејл за клупската телевизија на Жалгирис.

Дуелот помеѓу Жалгирис и Реал ќе се игра во Мадрид од 21.00 часот. Реал е моментно второпласиран (14-3), додека Жалгирис е дури на 16. место (5-12).

Денеска, донација во висина од 750 илјади долари за својата татковина собраа австралиските кошаркарки од НБА-лигата.