Престижната награда „Златна топка“ во организација на „Франс фудбал“, која ја добива најдобриот фудбалер на светот, нема да биде доделена оваа година. Главната причина е прекинувањето на сезоната неколку месеци поради пандемијата на коронавирус.

Церемонијата за доделување награди за најдобри во светот на фудбалот се одржува од 1956 година, а од тогаш секоја година се доделува признанието.

Минатата година за најдобар играч беше прогласен Лионел Меси, капитенот на Барселона. Аргентинецот е рекордер со освоени шест „Златни топки“.

Го следат Кристијано Роналдо со пет, додека Јохан Кројф, Марко ван Бастен и Мишел Платини имаат по три.

Првиот добитник на престижната награда беше Стенли Метјус, кој победи во 1956 година пред Алфредо ди Стефано и Рајмон Копа.

BREAKING: For the first time since 1956, the Ballon d'Or will not be awarded to any player this year due to the break in football in 2020 pic.twitter.com/V5L1ty5Tqz

— B/R Football (@brfootball) July 20, 2020