Новак Ѓоковиќ иако полека влегува во залезот на кариерата и понатаму е една од најважните тениски фигури во светот. Сепак бројките покажуваат дека српскиот тенисер не игра на нивото како до пред една година.

Ѓоковиќ минатата година освои вкупно седум титули, но 2024 година ја завршува без ниту еден АТП пехар и такво нешто не му се случило цели 19 години. Ова стана јасно откако Ѓоковиќ го откажа настапот на Мастерсот во Торино каде што лани ја освои титутлата.

Сепак, треба да се каже дека најголема цел за Ѓоковиќ оваа година беше златото на Олимписките игри во Париз кое успеа да го освои и така ги комплетираше сите трофеи во светот.

Останува да видиме дали Ѓоковиќ во текот на 2025 ќе се врати на шампионските патеки или полека ќе се подготвува за повлекување.