Тестовите за ковид-19 кои даваат резултати на лице место за 15 до 30 минути наскоро ќе бидат презентирани ширум светот. Најновиот изум може да спаси илјадници животи и да ја забави пандемијата во сиромашните и богатите земји, пренесува „Гардијан“.

Светската здравствена организација (СЗО) ќе обезбеди околу 120 милиони брзи дијагностички тестови во следните шест месеци, а нивната цена ќе биде максимум околу четири евра (пет долари).

Тестовите, кои изгледаат како тест за бременост, со две сини линии прикажани позитивно, ќе ги толкува здравствен работник.

Брзи и лесни, но квалитетни тестови ќе овозможат масовно испитување на здравствени работници кои умираат во голем број во земјите со ниски примања.

Како што се наведува, тестовите ќе чинат пет долари, а богатите земји како Велика Британија ќе можат да сметаат на нив. Иницијативата беше покрената во март од СЗО, Европската комисија, Фондацијата Гејтс и француската влада. Германија веќе нарача 20 милиони тестови, а Франција и Швајцарија го следат примерот.

Брзите тестови, одобрени од СЗО, се побрзи и полесни отколку порано, и може да се користат за скрининг во училишта, универзитети и работни места. Иако тестовите не ги опфаќаат сите случаи, тие можат да овозможат идентификување на многу заразени лица пред да имаат симптоми или уште пред за заминат во карантин.

СЗО одобри еден од тестовите на јужнокорејската компанија СД Биосензор, додека тестот на американската компанија Абот се очекува да добие потврда.

-Притисокот во снабдувањето е очигледен. Затоа ни треба гаранција за количината. Моравме да обезбедиме земји со низок и среден приход пред сите други земји да нарачаат и сиромашните да останат без ништо- рече Кетрин Боем, директор на непрофитабилната фондација за иновативна нова дијагностика (Find), која одигра клучна улога во иницијативата.

Компаниите тврдат дека нивните тестови се околу 97 проценти сигурни. Find ја става нивната чувствителност помеѓу 80% и 90% во реални услови. Во моментов, има релативно мало тестирање во земјиte со низок и среден приход. Додека Северна Америка тестира 395 луѓе на 100.000 жители на ден, Европа 243, Африка тестира помалку од 16, а повеќето од нив се во Мароко, Кенија и Сенегал.

Постојат брзи тестови за антитела кои можат да се купат преку Интернет, но овие први ги исполнуваат спецификациите на СЗО, а некои тестови не успеаја. Шпанија мораше да врати две серии на брзи тестови што ги купи од нелиценцирани компании во Кина во март, бидејќи се покажа дека се неисправни.