За Лукашенко Макрон е незрел политичар
Претседателот на Белорусија, Александар Лукашенко, оцени дека неговиот француски колега, Емануел Макрон, е незрел политичар.
Макрон изјави дека е јасно дека претседателот на Белорусија треба да поднесе оставка и да замине од власт поради демонстрациите што се одржуваат во Белорусија по објавувањето на резултатите од изборите минатиот месец.
„Според логиката на Макрон, тој требаше да даде оставка пред две години кога жолтите елеци излегоа на улиците во Париз. Годините минуваат, демонстрациите продолжуваат, а тој е сè уште претседател”, се вели во соопштението од кабинетот на Лукашенко.
Тој, исто така, рече дека Макрон треба повеќе да се занимава со внатрешните работи на Франција.
– Како искусен политичар, го советувам незрелиот Макрон да гледа помалку наоколу и повеќе да се справува со ситуацијата во Франција. Би било подобро за него да започне да ги решава проблемите во Франција, рече Лукашенко.