За лебот во Бугарија ќе се воведе 0% ДДВ, а пензиите ќе се зголемат за 20%

Profimedia
Леб, Фото: Profimedia

На состанокот на владејачката коалиција во Бугарија денеска беше соопштено дека ќе се воведе нула проценти ДДВ за лебот за да се гарантира неговата сегашна цена, а пензиите ќе бидат зголемени за близу 20%. Како што јави дописникот на МИА од Софија, планирани се повисоки даночни олеснувања за семејствата со деца и попусти на гориво, вклучително и бензин и дизел – ова се само дел од антикризниот пакет што го усвои коалицискиот совет. Мерките се насочени кон поддршка на бугарските граѓани и бизниси во контекст на кризата предизвикана од војната во Украина.

Со над 55% од минималната пензија, која на почетокот на минатата година изнесуваше 300 лева (150 е), а од 1 јули ќе изнесува 467 лева (235 е) Во последните 12 години пензиите во Бугарија во просек пораснаа за околу 100 лева (50 е), додека сега само годинава зголемувањето ќе биде за 167 лева (83 е) Антикризниот пакет предвидува и обесштетување поради високите цени на горивата. Сите граѓани до крајот на годината ќе можат да искористат попуст од 25 левови за бензин 95 и дизел, метан и пропан-бутан. Исто така, за период од една година ќе се враќа ДДВ за вино и пиво од 20%.

Во однос на парното, ДДВ за парно и топла вода се очекува во рок од една година да биде 9%. Ќе се намали и на 9% ДДВ за природниот гас за потрошувачите од домаќинствата за период од 1 година. Струјата, природниот гас и метанот се ослободени од акциза. За поддршка на семејствата со деца во Бугарија, како долгорочна мерка се планира да се зголеми износот на даночни олеснувања за децата од 4500 лева (2250 е) на 6000 лева (3000 е) годишно, а ќе се даде можност да се користи на секои три месеци во годината.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот