Грчката “Газета“ објави текст во кој се наведува дека Црвена звезда го совлада Олимпијакос во второто коло од ЛШ благодарение на францускиот судија Беон Бастиен кој според нив престрого му покажал црвен картон на Јасин Бензиа во 58. минута, а потоа им помогнал на домаќините со тоа што не го исклучил Марко Марин.

Според „Газета“, постои конекција помеѓу Србите и Французите кои си помагаат едни на други во европскиот фудбал и вчерашниот резултат е наместен. „Газета“ исто така даде неколку примери со кои се обидува да ја докаже поврзаноста помеѓу Србите и Французите.

Српскиот судија Милорад Мажиќ досудил непостоечки пенал за Франција против Германија и тоа во 84. минута, со кој „триколорите“ го освоија првото место во Лигата на нациите.
Потоа Французите им „вратиле“ за услугата на Србите и тоа на средбата помеѓу Партизан и Молде, кога судијата Руки Буке им помогнал на „црно-белите“ да триумфираат во плејофот за Лигата на Европа.