За едно деноноќие 10 сообраќајки, осум возачи управувале пијани

Сообраќајци / Фото: Архива

Еден велосипедист и двајца пешаци се здобиле со тешки телесни повреди, а четири лица со лесни телесни повреди во шест од вкупно 10 сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Полицијата од сообраќај, според податоците на СВР Скопје, исклучила 13 возачи кои се движеле со поголема брзина од дозволената, осум возачи кои управувале возило под дејство на алкохол, 12 возачи пред да се стекнат со право на управување на моторно возило, еден возач почетник, 12 возила нерегистрирани и две возила за претовар.

За непрописно паркирање се издадени 78 казни, а со специјалното возило „пајак” подигнати се 74 возила.

Евидентирани се и еден пешак кој поминал коловоз вон пешачки премин, еден пешак кој поминал коловоз на црвено светло, осум возачи кои поминале крстосница на црвено светло, двајца возачи за неправилно престројување, тројца возачи за неправилно престигнување, двајца возачи кои не дале првенство на минување на возила во зона на крстосница, еден возач за не користење заштитен шлем на вел со мотор, мопед и мотоцикл, 13 возачи за неносење сигурносен појас за време на управување на моторни возила и 13 возачи за користење мобилен телефон за време на управување моторни возила.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот