МВР соопшти дека вчера во 11.40 часот е пријавено дека во Струга на улицата „Партизанска“ возило „мерцедес“ управувано од Н.Б.Б.(55) од струшкото село Лабуништа удрило во М.Ч.(54) и С.З.Ч.(53) двајцата од Струга.

Во несреќата со тешки повреди се здобил М.Ч., а со телесни повреди се здобила С.З.Ч., констатирани во Медицинскиот центар во Струга.

Извршен бил увид од увидна екипа од Полициската станица Струга.

МВР регистрираше повредени пешаци во Тетово и Скопје.

Во 18.45 часот било пријавено дека во Тетово на бул. „Видое Смилески-Бато“ патничко моторно возило „пасат“ со тетовски регистарски ознаки управувано од Ќ.Д.(70) од Тетово удрило во Х.А.(52) од с.Порој-тетовско.

Во несреќата Х.А. се здобил со тешки телесни повреди, констатирани во Клиничката болница Тетово.

Два часа подоцна било пријавено дека во Скопје на ул. „Ацо Шопов“ патничко моторно возило „фиат“ со скопски регистарски ознаки, управувано од Л.В.(23) од Скопје, удрило во Ц.Д.(50) од Скопје.

Во несреќата со тешки телесни повреди се здобил Ц.Д., констатирани во Градската општа болница „8-ми Септември“.