За Дибиров нема „невозможен агол“, нова мајсторија против Нексе! (ВИДЕО)
Тренерот на „црвено-црните“, Алушовски вели дека ова е само „првото полувреме“ и дека неговите момци ќе го дадат максимумот и на реваншот.
По повеќе од двегодишна пауза Вардар повторно победи во Нашице кај Нексе, а овојпат триумфот од 30:31 (15:15) е особено вреден со оглед на фактот што истиот е дел од четвртфиналето на СЕХА Газпром лигата.
Петкратниот победник во ова ракометно регионално натпреварување направи сериозен чекор кон пласманот на Ф4 турнирот. Реваншот е закажан за следниот викенд во Скопје во СЦ „Јане Сандански“ на 15 март.
– Ова е само „првото полувреме“ од овој двомеч. Немаше да биде незаслужено доколку Нексе триумфираше, но сега ние бевме посреќните. За една недела ќе биде реваншот и сигурен сум дека и пред нашите навивачи ќе покажеме силни перформанси за пласман на Ф4 турнирот – рече тренерот на македонскиот, регионалниот и европски шампион Вардар, Стефче Алушовски.
Иван Чупиќ, ракометарот на Вардар:
– Имавме многу проблеми во текот на натпреварот, но на крајот успеавме да дојдеме до поволен резултатот и предност после неколку грешки што ги направи домаќинот. Мечот беше тензичен и рамноправен до крајот. Денеска среќата беше на страната на Вардар.
Да додадеме уште дека руското лево крило на „црвено-црните“ кој имаше фантастична партија од 12 голови, го имаше најдобриот погодок на мечот кој можете да го погледнете на видео записот, а освен тоа и најинтересните моменти: