За да се изнајми стан, треба да се дадат куп пари и тон документи

Нотарската заверка на договор подразбира и нов имотен лист и запишување на договорот во катастар, а кога пак ќе заврши закупот, договорот треба да се избрише од Катастарот.

За да се издаде стан или деловен простор, како што налагаат законите, договорот трeба да се завери на нотар, а потоа да се пријави во Управата за јавни приходи. Но, заверката на нотар не е едноставно потпишување на договорот пред нотарот. Тоа е процедура во која е потребен имотен лист најмногу стар 6 месеци, па така вообичаено значи вадење нов имотен лист, па потоа упис на договорот во имотниот лист на сопственикот што зависи од квадратурата, па пополнување анкета за регистар на цени што се води при Катастарот, и на крајот, секако, потпишување на договорот. За секој заверен примерок кај нотарот, а мора да има најмалку три, по еден за странките и еден што останува кај нотарот, се плаќаат по 300 денари. Дополнителни износи се плаќаат во зависност од големината на станот, се плака за уписот на договорот во катастарот и за имотниот лист што го вади нотарот. Така, за еден стан од 30 квадратни метри трошоците се околу 2.000 денари, а за 90 квадрати достигнале и 4.000 денари.

Прочитајте и...  Почина српски епископ заразен со коронавирус

Граѓаните се револтирани од трошокот што треба да го плаќаат кај нотарот.

– Разбирам дека треба да си плаќам данок за парите што ги добивам од изнајмување, но ме револтира целата процедура и колку чини заверката на договорот. Од друга страна, кај нотар за оваа постапка потрошив еден час. Па јас не продавам стан, само го изнајмувам! А она што посебно ме револтира е зошто во мојот имотен лист да се евидентира некој закупувач. Па тој денеска е тука, утре не е. Јас сум имала потстанари што преку ноќ ми кажувале „утре си заминуваме“. А да биде уште покомплицирано и поскапо, и кога потстанарите ќе си заминат, повторно треба да се оди на нотар за да ви го отпише запишаниот договор за изнајмување од имотниот лист – револтирано раскажува нашиот соговорник.

Прочитајте и...  Закуска и вода во дезинфицирани автобуси - Ова е транспортот на нашинците од Берлин до карантинот во Струмица

Проф. д-р Кимо Чавдар од Универзитетот „Американ колеџ“ вели дека, иако според Законот за облигационите односи договорот за закуп претставува неформален договор, т.е може да се склучи во која било форма меѓу двете страни, што подразбира дека не треба нотарска заверка, сепак во Законот за домување е строго прецизирано дека договорот за закуп треба да биде заведен кај нотар.

Што се однесува до запишување на договорот за закуп во Катастарот, Чавдар објаснува дека тоа е уредено со Законот за катастар на недвижности.

– Ако ги толкувам одредбите на овој закон, односно зошто тоа така е регулирано, оправданоста ја наоѓам во тоа што со прибележување на закупот, може да се заштитат правата на некој купувач на станот, доколку тој би се продал. Имено, договорот може да биде склучен на повеќе години и идниот купувач на стан би можел да се соочи со проблеми, односно би требало да поведе судски спор за иселување на закупувачот на станот – објаснува Чавдар.

Прочитајте и...  Јовановиќ: 5Г користи помали фрекфенции и од самите рутери, во Македонија засега ја нема оваа технологија

Професорот вели дека законските одредби произлегуваат од проблемите што се јавуваат во практиката, која веројатно покажала дека има потреба од прибележување на договорот за закуп во Катастарот на недвижности. Сепак, потенцира Чавдар, би требало да се размисли дали не е потребно одредено дорегулирање на оваа материја, посебно за закуподавачите што издаваат станови на пократок временски период, а со цел намалувањето на сивата економија, која при ваков случај ја генерираат самите законски норми.

Прочитај повеќе

Познатата водителка на Си-Би-Ес почина од коронавирусот

Слободен печат

Вархеи: ЕУ секогаш ќе биде тука за Западен Балкан

Слободен печат

Бројот на смртни случаи во Франција е зголемен за девет отсто

Слободен печат

ВУХАН И ПОНАТАМУ ПОД БЛОКАДА: Веќе 6 дена немаат новозаразени, а во градот владее војничка дисциплина

Слободен печат

Принцот Чарлс се опорави од коронавирусот, веќе не е во изолација

Слободен печат

Таксистот Славко Цариќ од Скопје им нуди бесплатен превоз на најстарите и изнемоштените лица!

В.Т.

Остави Коментар

Прочитај повеќе

Лани за пет отсто зголемен бројот на деловни субјекти

Слободен печат

Еве што им прави коронавирусот на белите дробови (ВИДЕО)

Слободен печат

Вонредна инспекција во Охридската болница: Утврдено е прекршување зашто пациентка со упат не била прегледана

Мирослава Бурнс

Функционер близок до шпанскиот премиер е позитивен на коронавирусот

Слободен печат

Хавзиу: Се намалува бројот на претставки до ДИТ

Слободен печат

Светските моќници го потценија коронавирусот и сега се соочуваат со последиците