За четири месеци во Албанија бонус добиле околу 13 илјади бебиња
Албанскиот премиер Еди Рама објави дека во првите четири месеци од годинава околу 12.766 новороденчиња добиле бонус за бебе, јави дописничката на МИА од Тирана.
Со владината програмата родителите на првородено дете добиваат бонус во износ од 40 илјади леки (325 евра), за второродено 80 илјади, а за третородено дете по 120 илјади леки. Доколку се близначиња добиваат по ист износ.
Бонус добиваат сите новороденчиња независно дали се родени во или надвор од земјата, кои се запишани во матичната книга на родените во Албанија.
– Вкупно 12.766 новороденчиња во првите четири месеци добија бонус за бебе, што е финансиска награда од Владата за сите новороденчиња. Оваа сеопфатна програма ги поддржува родителите за првороденче со 40.000, второ со 80.000 и 120.000 за трето родено дете, независно каде доаѓаат на свет, во или надвор од земјава. Бонус добиваат сите албански деца кои ќе се евидентираат во МКР на Албанија, напиша Рама на Фејсбук.
Со цел поттикнување на наталитетот Владата донесе програма за еднократен паричен надоместок за новороденче, која почна да се реализира од јануари 2019 година.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот