За 300 денари на мечот Шкендија-Номе Калју
Шкендија има предност од првиот меч стекната во Естонија (0:1), иако истата можеше да биде уште повисока.
Блиску се до второто квалификациско коло од Лигата на шампионите, но фудбалерите на Ќатип Османи максимално сериозно ќе му пристапат и на возвратниот дуел.
Во меѓувреме тетовскиот клуб ја објави цената на влезниците за средбата во Скопје. Билетите ќе се продаваат по цена од 300 денари.
Дел од навивачите на македонскиот фудбалски шампион не се задоволни од цената на билетите, бидејќи на тој начин трибините уште повеќе ќе зјаат празни.
Победникот од оваа пресметка во наредната рунда ќе се соочи со подобриот од Селтик-Сараево.
Со едната нога во второто коло се веќе Шкотите кои во Босна и Херцеговина славеа со 1:3.