Град Скопје склучи договор со две компании со вкупна вредност од 85.762.400 денари или околу 1,3 милиони евра, а кои ќе бидат ангажирани за чистење на улиците во зимски услови.

Откако беше распишан тендер за ангажирање на специјални возила со соларка и плуг за зимско одржување на сообраќајници на територија на Град Скопје, градските власти ги прифатија понудите на „Аполо инженеринг“ ДООЕЛ експорт-импорт и „КИ-ЕМ“ ДООЕЛ експорт-импорт Скопје.

Според информациите објавени на Електронскиот систем за Јавни набавки, првиот договор вреден 64.900.000 денари или околу еден милион евра е склучен со друштвото за производство трговија и услуги „Аполо инженеринг“ ДООЕЛ експортимпорт.

Додека вториот договор е вреден 20.862.400 денари или околу 339.000 евра и е склучен со друштвото за промет на големо и мало, застапување, посредување и реекспорт „КИ-ЕМ“ ДООЕЛ експорт-импорт Скопје.