Вулин: Се надевам на мешани полициски контроли на мигрантите на границата со Северна Македонија

Александар Вулин со мигранти / Фото: EPA/ZOLTAN BALOGH HUNGARY OUT

Министерот за внатрешни работи на Србија, Александар Вулин денеска изјави дека се надева оти наскоро и на границата со Северна Македонија ќе се најдат мешани полициски контроли, со цел да се спречи илегалната миграција, како што е тоа предвидено со протоколот потпишан за тоа прашање во Будимпешта со унгарските власти, јави дописникиот на МИА од Белград.

– Се надевам дека многу брзо ќе успеам да убедам истатат работа да ја направиме и на северномакедонско-српската граница, како и меѓу Унгарија и Австрија. Секој мигрант што ќе го спречиме да влезе во Србија е мигрант помалку во Виена, но исто така и мигрант помалку во Белград, изјави Вулин на ТВ Хепи.

Како што оцени, неопходна е заедничка, координирана акција, бидејќи, според него „мигрантите нема да ја преминат таа област кога ќе слушнат дека границата е цврста”.

– Ние ги третиравме овие луѓе и ги третираме како човечки суштества, но тие мора да ги почитуваат нашите закони. Ги имате сите права, имате кампови, ќе бидете медицински заштитени и хранети, ќе бидете згрижени и вашето достоинство, особено кога станува збор за семејствата. Но, ако го прекршите законот, ќе бидете казнети, истакна Вулин.

Протоколот за воспоставување мешани патроли долж заедничката граница на Србија и Унгарија беше потпишан во вторникот во Будимпешта од министрите за внатрешни работи на двете земји, Александар Вулин и Сандор Пинтер.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот