Вуков ќе настапува во Порше Суперкупот кој се вози заедно со трките од Формула 1
Во претходните три години македонскиот автомобилист Ристо Вуков беше дел од Порше Карера Куп Италија и освојуваше поени.
Вуков на прес-конференција информираше дека следен предизвик ќе биде највисокото по ранг светско натпреварувањето од ГТ трките, Порше Суперкуп.
Негов партнер ќе бидде тимот Омбра Рејсинг кој годинава се закити со двете титули во италијанско првенство.
Во 2023 година ќе се возат осум трки, првата закажана во Емилија Ромања во Италија (19-21 мај 2023).
– Сонишата се остваруваат. Со големо задоволство сакам да го објавам мојот следен чекор во кариерата, кој што претставува олицетворение на се она што се подразбира под врвно натпреварување, Порше Мобил 1 Суперкуп („Porsche Mobil 1 Supercup“). Станува збор за Светскиот Порше Суперкуп кој се вози заедно со трките од Формула 1. Ќе ми биде чест што ќе настапувам под македонското знаме во најелитната конкуреција во светот – вели Вуков.