Вукичевиќ во „Утрински брифинг“: Продолжуваме да се развиваме и во повисокиот сегмент на вината
Винаријата „Тиквеш“ ја има најуспешната година. Вкупната добивка, профитот и инвестициите се во пораст.
Директорот на „Тиквеш“ Радош Вукичевиќ во „Утрински брифинг“ на „Слободен печат“ ја објасни стратегијата на компанијата, имплементирање на брендот „Тиквеш“ на светскиот пазар како и проектот „прва зелена винарија“ во југоисточна Европа.
– Доминантен дел од растот доаѓа од Балканот и Европа. Имаме пробив во Албанија. Очекуваме раст и во Кина. Во фокус ни е грчкиот пазар. Преку француската винарија добиваме пристап до базата на знаење за имплеметирање на брендот Тиквеш на светскиот пазар. Тиквеш планира да инсталира соларна централа на крововите од фабриката и да стане првата зелена винарија во југоисточна Европа која ќе си го произведе количеството на електрична енергија кое што е потребно за да работи – рече Вукичевиќ.
Околу соработката со владата, Вукичевиќ ја нагласи поддршката која винаријата ја има од ресорното министерство.
– Министерот Трајан Димковски е еден од најдобрите до сега. Сме немале проблем со ниедна политичка партија, но со овој министер имаме одличен однос и голема поддршка – истакна директорот на „Тиквеш“.
