Вујовиќ: Ракометното ЕП мора да се откаже
Доскорешниот тренер на Вардар, Веселин Вујовиќ, смета дека претстојното Европско првенство во Унгарија и Словачка мора да се откаже поради зачестениот број на позитивни ракометари на коронавирусот.
Како наближува стартот на ЕП кој е закажан за 13 јануари, така се зголемува бројот на позитивни ракометари, а само денеска во таборот на селекцијата на Србија се регистрирани нови четири заразени ма ковид-19.
– Искрено, навистина не ми јасно на кој нормален човек му е во интерес да се игра вакво ЕП. Дали и колку има смисла репрезентации со по 6-7 заразени ракометари да патуваат и во случај на позитивен тест, тие момци мора да бидат во изолација, а потоа по десет дена без никакви тренинзи да се вратат на терените и да играат натпревари? Тоа нема врска со животот и здравиот разум. Како ракомет ќе гледаме тогаш? Никаков. Да не зборував и за повредите. Потоа претпоставував дека земјите домаќини ќе воведат нови мерки и лесно може да се случи првенството да се одигра без публика. Да ги прашам тие мудреци, за кого ова ЕП се игра? Моето мислење е дека ЕП треба да се откаже, нема да пропадне светот доколку прескокнеме еден турнир – вели Вујовиќ.