Целите на Вардар секогаш се највисоки иако екипата ќе игра на неколку фронтови, домашните натпреварувања, СЕХА лигата и Лигата на шампионите.
Очекувано, главен приоритет е пласман во завршницата на ЛШ, но не се занемаруваат и останатите натпреварувања каде се очекува борба за титулата.

Поради настапот на неколку фронта, Вардар ќе има пренатрпан распоред па поради тоа Вујовиќ се надеваше дека претседателот Михајловски ќе успее да издејствува идентичен статус за Вардар како тој што го има Веспрем во СЕХА лигата.

–  Сакав Михајловски да се избори Вардар да има статус каков што има Веспрем, односно да не игра во регуларниот дел од СЕХА лигата и да се вклучи во четвртфиналето.
Вардар ќе има пренатрпан распоред, не сакам луѓето да се заситат од нас. Мислам дека приоритет е ЛШ, сметаме дека во домашна лига можеме да играме со изменет состав. Во СЕХА Лигата ќе играме во зависност од противникот. Бидејќи ќе имаме многу натпревари, сите ракометари ќе добијат шанса – вели тренерот на Вардар, Веселин Вујовиќ.