Вујо Мајсторе без влакна на јазикот: Во фудбалот како да се перат пари
Миленикот на Комитите и актуелен тренер ППД Загреб, Веселин Вујовиќ, смета дека намалувањето на платите на спортистите за време на кризата со коронавирусот е исправна одлука, но не порпушти да го искоментира случувањето во фудбалот и големите суми кои се вртат во него.
– Се согласувамн дека треба да се намалкат платите, но не по секоја цена и на сите спортисти. Видете колку пари се вртат во некои спортови. На пример, Меси и Лука Циндриќ не можат да бидат казнети на идентичен начин бидејќи не е исто да се намали платата на некој кој заработува милиоини и некој со скромни примања – изјави Вујовиќ за медиумите во БиХ.
Поранешниот тренер на Вардар и селектор на македонската ракометна репрезентација смета дека не е се „чисто“ во фудбалот.
– Работите одамна излегоа од контрола, слушам за суми од 100,200,300 милиони кои се споменуваат само за еден спортист. Тоа за мене и болна работа. Фудбалер за една сезона може да се обезбеди и себе си и своите наследници, а ние во малите спортови толкава сума нема да ја заработиме во желиот живот. Кога читам за ваквите луди трансфери во фудбалот секогаш помислувам дека тука „се перат“ пари – смета Вујовиќ кој исто така вели дека кризата ќе му помогне на ракометот.
– По овој хаос, средните и финансиски стабилни екипи како Загреб може да имаат голема корист. Зашто Карачиќ и Циндриќ би играле во странство доколку можат за истите пари да играат во Хрватска.