Тие се зборовите на легендарниот Веселин Вујовиќ во интервјуто за „oslobodjenje.ba“, говорејќи за ситуацијата околу „црвено-црните“, но и на репрезентативен план.

Најдобрата македонска сениорска машка ракометна репрезентација ги дозна противниците на наредното Европско првенство 2020 година.

Избраниците на селекторот Данило Брестовац се наоѓаат во групата Ц во Виена заедно со Чешка, Австрија и Украина.

– Македонија имаше голема среќа и влезе во таа група. Македонците го поминаа тој период на подмладување. Знаеме сите и натаму Лазаров ја носи играта. Тука има ракометари кои одлично се вклопија како Талески, Кузмановски, Манасков, кои имаат добар рејтинг. – рече Вујовиќ.

Неговиот поранешен клуб Вардар по вторпат ја освои титулата во Лигата на шампионите. Се гледаше дека на Фајнал фор турнирот во Келн, Вардарци имаат најголем мотив.

– Може да се зборува само хипотетички. Навистина сум изненаден што може да се спореди во спортот. Еве на пример, Барселона е лидер во светскиот фудбал, а од друга страна слушаме приказни за тоа како играчи не примиле плата три, шест, па и 21 месец. Но, колку и да не примиле плата, да се направи таа хемија во екипата, играш знаејќи дека е крај, тоа е големо нешто, изненадувачки, но апсолутно заслужено. Тоа е нешто што го спаси ракометот во Македонија. Да не ја освоија титулата, кој знае како ќе беше. Се појавија нови спонзори, Владата реагира, значи има позитивни вести. Вардар е македонски бренд и заслужува да држи примат – додаде Вујовиќ.