Вудворд мора итно да реагира, на Јунајтед му треба нов бек, напаѓач..!?
Уште во првиот натпревар Манчестер јунајтед ги разочара своите фанови со домашен пораз од Кристал Палас (1:3) на стартот од новата сезона во Премиер лигата.
И екс играчот на „црвените ѓаволи“, Патрис Евра испрати критика до клубот на „Олд Трафорд“ дека повеќе се гледа на социјалните мрежи, отколку на теренот.
Јасно е дека менаџерот Оле Гунар Солскјер мора нешто итно да направи во составот доколку сака да се бори сезонава за Топ 4 во најсилната англиска фудбалска лига.
Хендерсон би требало да го замени Де Геа на голманската позиција, Шпанецот повторно беше несигурен, а критики има за Линделоф кој немаше решение за Заха. Дали можеби враќање на Заха е решение? Тоа е тешка мисија, бидејќи Кристал Палас не го продава за помалку од 80 милиони евра.
Долго се пишуваше за Санчо, но првиот човек на клубот Вудворд не сака да плати 120 милиони евра и бараат поевтина опција како Перишиќ или евентуално Даглас Кошта.
Во прашање е и позицијата лев бек, не успеаја да ги ангажираат Чилвел (Челси) и Регилон (Тотенхем), па сега најновата желба е Алекс Телјеш од редовите на Порто кој вреди 25 милиони евра.
Денеска британските медиуми воедно пишуваат дека Јунајтед ќе се обиде да го обезбеди потписот на Кулибали од Наполи, а тој вреди 80 милиони евра.
Без тројца играчи и вложени уште 150 милиони евра, на овие 50 колку беа вложени за Ван де Бек, прашање е дали Јунајтед има навистина намера да се бори за најдобрите позиции.