Српскиот претседател Александар Вучиќ изјави дека Соединетите Држави се подготвени да воведат санкции за нафтената и гасната компанија во земјата поради нејзината руска сопственост.

Српскиот НИС е во мнозинска сопственост на руската енергетска корпорација Газпром.

„Добивме потврда дека во следните неколку дена САД ќе воведат санкции против НИС поради руската сопственост“, рече Вучиќ во интервју за ТВ Информер.

Тој рече дека очекува Велика Британија и Европската унија да се усогласат со Вашингтон и да воведат свои санкции.

Министерството за финансии на САД не го коментираше пакетот санкции, а Вучиќ рече дека Белград сè уште не добил „официјален документ со детали“ од Америка.

„Се разбира, ова ни отвора проблеми со нашите руски пријатели за сè. Од политика до сè друго“, рече Вучиќ во одделни коментари дадени за српскиот сервис на телевизијата со седиште во Доха, Ал Џезира.

Србија постојано ја осудуваше руската инвазија на Украина на меѓународни форуми како Обединетите нации, но досега се спротивставуваше на притисокот за воведување санкции кон Москва.

Газпром и неговата подружница Газпром Нефт поседуваат соодветно 6,15% и 50% од NIS, а остатокот од акциите им припаѓаат на владата и другите помали акционери.

„Ќе треба да видиме дали постои можност да се намали руската сопственост под 50 отсто и да разговараме со руските партнери за тоа“, рече Вучиќ.