Откако ја прими третата доза вакцина против ковид претседателот на Србија Александар Вучиќ повторно апелираше граѓаните да се вакцинираат.

Тој рече дека презема дел од вината што државата, како што рече, навреме не ги донела најпаметните решенија во борбата против епидемијата.

„ Иако не е во духот  со нашиот Устав можевме да ги лекуваме вакцинираните бесплатно, а невакцинираните да ги лекуваме и бесплатно, но само до висината на годишно ниво на платени здравствени придонеси, а остатокот да се доплаќа. Тоа би било апсолутно праведно. За жал , не се сетив на тоа „со време или премногу верував на совеста и одговорноста на народот. Тоа сега пропадна и повеќе не може да се спроведе на дело“, рече Вучиќ.

Тој додаде дека во просек здравствените придонеси изнесуваат 500-550 евра годишно, што, како што рече, е нешто помалку од трошоците за еден ден болничко лекување.

„Да го направевме тоа ќе имавме подобри резултати во вакцинацијата, но сега може само да апелираме до граѓаните да се вакцинираат“, рече претседателот на Србија.

Тој најави дека здравствените работници ќе добијат најголемо зголемување на платите во 2022 година, како и дека се размислува за дополнителна награда за медицинските лица кои го понесоа најголемиот товар во борбата против епидемијата.